討論群： @nonjupas
資訊頻道： @nonjupas_channel
歷屆收生記錄（申請人自願提供）：@nonjupasspreadsheet
【咩係 Non JUPAS？】
首先要就此定義 JUPAS (大學聯合招生辦法) 。有關JUPAS 嘅適用院校及課程，報名程序可參考聯招處網頁，而 JUPAS 嘅主要特點為申請人需要有本地身份、 以考慮DSE 成績為主以及要求申請JUPAS時不得修讀可經「大學聯招辦法」選報的全日制學士課程。JUPAS 由大學聯合招生處代表參與院校管理其提供課程的收生事宜，詳細資料可參考官方網頁 https://www.jupas.edu.hk 。
至於 Non JUPAS 並無官方組織統籌收生事宜，亦無統一的定義，我地會將香港可頒授學位嘅高等教育院校而非經由聯招申請嘅學士課程通稱為 Non JUPAS (非聯招)。Non JUPAS 申請人大多為正就讀副學位或持有副學位資歷，但舊制嘅 CEE / ALE 考生、非本地學歷如 IAL、加拿大 OSSD 或 Dogwood Diploma 或非本地大專學歷；或報考 DSE 嘅非本地考生均可透過 Non JUPAS 報名。目前香港所有大學均接受申請人透過其官方網站報名大學入學，而以不同資歷的申請人申請程序大致相同。
而本文大致適用於所有有意報讀香港嘅大學本科課程嘅申請人。
Asso Year 1 to Uni Year 1 多數要求有 full cert - 33222（非硬性規定，但過往見到大部分學生都有）。
Year 2 上唔係間間都要，但中大硬性規定必須要有中文DSE 3 或同等學歷。
睇清楚你報嘅科目有無對語文有特定要求 (詳情見另文)。
請先閱讀官方網站，以及搜尋過往嘅坊間資料再發問。
【語文要求】
1. 先睇官網
2. 睇過往收生數據
如果你嘅科目並無語文相關要求嘅，咁就唔需要中文/英文3或同等。
每間學校、每科都有唔同嘅要求
恕未能用一兩句答晒所有case
但check咗官網同過往data 其實已經solve到七成。
IELTS 學習資源： @ielts_resources_hk
除 LingU 以外，其他學校並不接受 Asso / HD 一年級嘅學生直接入讀二年級。
So far 見到報名程序都無話特別刁難大家嘅。可能有啲唔清晰，但如果錯咗 Staff 會提返你。
完成報名程序後，請耐心等候學校俾你嘅指示。
報名系統內，你可以填寫正在進行/將會於未來考嘅公開試及學歷。
如你有意後補相關資歷，請嘗試準確填寫上述資料。
以上資料只作參考，如果最後並無考相關嘅試或日期有出入，你無需另行通知學校。
你亦需填寫過往資歷（例如中學或文憑試）。請按照自己所知嘅日期填寫；但亦無需擔心日期有出入導致申請被取消。
請預留足夠時間報名，唔好等到Deadline。
若你填表期間遇到有啲欄位唔識填嘅，可以先睇睇下述常見問題，可能你問嘅嘢以前都有人問過。
https://non-jupas.info/nonjupas/reminders-regarding-application-system
如果你有嘅就照Upload，但根據過往經驗睇唔會加太多分
寫晒兩樣。你有責任申報所有高中後嘅學歷，不論就讀中、已退學或已畢業均須填寫，至於點樣Interpret係由學校決定。
如果你虛報/漏報，可能會導致你嘅申請資格被取消，您亦不應因為認為自己部分學歷較差而隱瞞。
聽過有唔少人有誤解，以為大學學歷比較高，所以申請本科學位嘅時候會有優勢。
因為學額有限，UGC及大學傾向俾機會第一次讀嘅申請人。
但你仍應如實填寫所有高中後嘅學歷及有效嘅公開試。
請勿在群組中詢問瞞報會唔會被查到/會有咩後果。
學校會按照你整體嘅成績去決定收唔收你。
一般而言，您可於遴選年度結束前（一般為入學年份前嘅八月）上傳檔案；但仍鼓勵大家儘早提交所有文件。
成績證明（包括中學/DSE/Asso/IELTS/IGCSE等）
您有責任填寫所有高中後嘅學歷並提供證明。證明文件可後補。如報名時並未有以上成績結果，請於獲悉結果後盡快上傳至申請系統。
Personal Statement
並非必須。 LingU 及 CityU 於系統內有欄位供申請人填寫，但即使錯過後您仍可於 Other documents 欄位以 Word / PDF 檔案提交。
有個別課程必須提交 PS，將會於申請系統內列明
想後補就後補，唔想交就唔好交
Reference Letter
並非必須，可後補（包括推薦人資料），詳情見另文。
想後補就後補，唔想交就唔好交
我嘅科目需要中/英文要求，我可唔可以等到佢出 Interview / Offer 俾我再考? 或者求佢出 Offer 俾我之後再補 Condition?
你可以任何時間考，但唔保證對方會將其納入考慮。
機會係留俾有準備嘅人，若你嘅科目需要IELTS嘅，請於提交 Non JUPAS 報名時考取符合資格嘅分數；
而若你需要考 IGCSE 中文，請按指定時間報名（可以關注考評局網頁或 Non JUPAS 資訊頻道），因為佢嘅報名好早結束。
如果您於群組內詢問以上問題將會被警告。
我X月先考IELTS會唔會太遲？
系統容許你入學年份嘅嘅八月報，但你問我意見呢，開始報名時已經要有。
見另文
過往有同學無寫仍然收到 Offer。
以上並無標準答案，請憑自己嘅判斷決定寫唔寫/點樣寫。
見另文，請勿在群內詢問可否後補 / 係咪一定要交（包括是否可後補推薦人資料）。
並無固定時間，九月前都會出。一般而言，12月開始會陸續派 Interview / Offer。
希望以下資源可以幫到你：
🤖 睇下往年幾時出 （只供參考）
📓 關注 @nonjupasspreadsheet 睇最新消息，如果您自己收到 Offer 亦請喺 Channel 填返資料通知其他同學
⭐️ 個別學校有睇偷跑嘅方式： HKU / PolyU / EduHK
如果您有來自校方嘅消息歡迎喺群分享，但唔鼓勵大家問「某科幾時派 Offer / Interview」，當屆嘅申請人唔會知。
請先報名，再於得知結果後儘快到報名系統更新結果。報名系統內可供您填寫進行中/預期進行嘅學歷及考試。請先填寫相關資歷及預計得知結果嘅日期，唔好等到成績齊晒先報名。
請儘量準確填寫擬進行嘅考試之時間。但如果最後日期有變，或者你後來決定唔考，你無需主動通知學校。
一般而言於遴選年度結束前（約為入學年份嘅為八月初）嘅結果都可以被接受，但仍建議大家儘早完成。個別考試如 IGCSE / JLPT 嘅公布結果時間略遲於開學，因此或會對你的入學註冊造成輕微延誤。
以 Asso 嘅 GPA 同 DSE 為主，個別科目可能會有特別語文要求（睇官網）。
有啲暗盤係學校唔會寫出嚟，如果係嘅參考下過往收生記錄睇下歷年同學幾多分。
語文要求一般唔佔太多分，只要你符合就可以。（除咗例如話報 HKU 中文嘅，DSE 中文一定要 5或以上）
日後出新成績嘅時候亦建議您儘快上傳到系統。
佢可能睇可能唔睇，但唔好諗住透過遲upload去隱瞞自己考得差；大學知每間大專院校幾時出GPA，亦會核對您 DSE 成績表（如適用）。如果學校真係想睇嘅，你避唔到。
HKU: Early round deadline 前可以
CityU / EduHK： 可以，每科加錢
CU / UST / Poly / LU / BU： policy話唔可以；但你仍然可以試下問學校酌情批准。
我地鼓勵大家及早準備，並於提交資料前再次確認資料為完整且正確。
各學校均提供充足時間畀申請人報名。填寫後表格，可以先冷靜一下，過一陣核對所有資料正確再提交。
但如果真係填錯嘅話，System 有得改就嘅部分請喺 System 改。
否則請詢問學校收生部門並等候其指示；群組入面嘅申請人無法協助修改你嘅資料。
以下係相關範本。
Title: Request to amend application information
Dear [recipient],
Name: [name]
Application No: [#]
I would like to apologize as I incorrectly entered my [item] as [original value]. It should be [new value] instead. Could you please amend accordingly? Thank you!
📖 根據《個人資料（私隱）條例 (https://www.pcpd.org.hk/tc_chi/data_privacy_law/ordinance_at_a_Glance/ordinance.html)》，作為資料當事人，你有權要求機構更正你的個人資料。根據個人資料私人專員公署的訊息 (https://www.edb.gov.hk/attachment/en/sch-admin/admin/pilot-scheme/PDPO_%202015.06.16_EDB.pdf)，姓名、年齡、地址、過往入學記錄、學業成績、面試記錄、操行評估、校長評語、醫生報告等均屬於個人資料。香港大學亦表示你可以根據條例向該校查閱推薦人給予你的評語。
以上資料只作一般參考用途，不應被視為法律或法院常規的詳盡或具權威性的說明。
過往見到有同學因為付款時出錯、填錯資料或者收唔到電郵等等嘅原因而導致無法如期提交表格；而喺銀行同埋 Admission office 放工後，你嘅申請或未能按時被處理。
每年總有申請人喺 Deadline 當日遇到突發狀況，但我地愛莫能助。
我地鼓勵各位申請人及早準備，並於截止日期前最少一個禮拜提交表格。
故此，若您喺群入面詢問 Deadline 係 0000 定 2359 將會被警告。
我地建議大家儘早報名，即使未出成績都可以報。課程可能會喺截止報名前，已經開始派位。可以參考 2022年 UST Engineering嘅記錄，佢地喺 Year 1 未出成績已經開始派位。部分課程（如 HKUST CS/CPEG ）明確表示一般只考慮 Early Round 申請人，亦部分課程為額滿即止。
如果你因為任何原因希望遲啲嘅，或者你錯過咗首輪報名嘅，只要系統接受你嘅申請，你嘅申請就會被視為有效。
請參考各大學官網列明嘅 Deadline並預留充足時間報名；唔清楚個別科目有無 Late round嘅就登入系統睇。
Better late than never。因此唔建議大家喺群入面問「X月報名係唔係無機喇」。
A: 您嘅申請將會繼續被考慮。你無需亦不應於同一學年內再次報名。重複報名可能會導致被取消資格。
報名後，學校或會透過各種方式聯絡你（一般為電郵或電話）。
你有責任保持電話暢通及時常檢查電郵包括 Spam box。職員可能會透過電話/電郵聯絡你，亦可能無來電顯示。見到不明來電嘅， check 下 hkjunkcall.com 睇下有無資料。
如果學校叫你交文件/核對資料/問你問題，請依照指示做。過往觀察顯示可以作為收Offer嘅線索，但非絕對。收到嘅話可以擺上群分享：「頭先 CityU 俾咗電郵，叫我提交最新成績表」，如果見到唔明指示可以直接 Post 埋內容上嚟問，
但見字請唔好再問「係咪大機會」、「係咪有機」、「有冇其他人收到」，
因為真係無意思。
如果學校出咗指示俾其他人而你無收到嘅話，你無需擔心你不被考慮。
群發電郵會因為 stress load、 防 spam 或者唔想同一時間俾太多人（導致自己一次過要覆一堆 follow up）等等原因分開出。
其他報名後嘅注意事項：https://non-jupas.info/nonjupas/after-applying
【各常用嘅電郵範本】
不定期更新：我地將常見嘅電郵範本擺咗上Website，如果有需要可以自由使用。 #6 同 #7 好常見，有需要可以參考呢頁。
https://non-jupas.info/nonjupas/templates