JUPAS 唔係一個簡單嘅遊戲，有興趣讀就排。小如水泡科由第幾個 choice 開始排都係學問，排錯次序或者有一步做錯都可以令你一個 offer 都冇。你可能會問，點解香港教育制度咁差，唔可以比人跟興趣想點排就點排？咁係因為香港學額只有約16000，但即使喺出生率下降之下仍然有約4萬人考文憑試。即係學額根本唔夠分，喺一個盡量公平嘅制度之下，錯一個 step 結果都相距好遠。衰啲講句，你亦可以話英式精英制度依然存在，就算 DSE 同分，大學都傾向㨂個醒啲、識跟遊戲規則玩嘅人。
大學揀科係需要每個人深入研究嘅，唔係睇報紙講錢途好，亦唔係跟朋友嘅意志決定。可惜，香港有好多人未有諗清楚自己嘅前途。隨便la，即使苦一生，佢哋都唔會檢討。好多人冇諗清楚就隨便揀科，成日上網論壇問啲官方渠道已有嘅問題，「26分夠唔夠入GBUS?」，「幾多分先可以讀港大精算?」 問呢啲問題嘅人通常好無知，成廿歲人咁多幻想。我想話，你想入大學就要自己研究，解決，呢啲問題大學網頁都有提到。你想入大學，唔解決呢啲問題，只係依賴別人，呢啲係香港教育21世紀嘅最大危機。
有啲同學決心諗下自己嘅前程，但冇太多資訊，唔知邊啲地方要留意，睇清楚。我希望呢個網站可以提供呢啲資訊，讓大家從唔同方面研究JUPAS，唔好受花多眼亂嘅資料影響。
喺本網站呢個 section 你將會跟一位比 LQ 低一分入讀 A1 嘅人教你點樣排 choice 同備戰。祝你好運！
JUPAS Telegram Group:
https://t.me/+NTUsqED5oOhmZTk1
高中問書 Group :
https://https://t.me/+Cs082kIHCRFjNjU9
公社科討論區：
英文問題可在此發問：
https://t.me/+-ON13gU-9HVkYmFl