註：本文作者英文成績為 5* ，因此建議只適合目標為 5* 或以下之同學，或英文補習老師。如目標為 5** ，請自行研究備試策略。
中小學均有教 grammar ，但 DSE 冇 grammar 卷。其實以前舊制，閱讀卷裡面係有一部份考 grammar 嘅。但 DSE 改咗冇，咁係咪代表 grammar 唔駛温呢？
其實 grammar 已經融入 DSE 各卷之中，例如 writing 嘅 language 分，其中一個評定準則就係 grammar 。如果你 language 拎 5 ，其餘兩個 components 有機會拎到 7 ；但如果你 grammar 底唔好， language只可以拎到 3 ，咁你內容再好都只能拎到 5 。 （一般情況，或有例外。）
喺 listening 同 reading 中， grammar 亦會影響填充題，同埋為某啲 MC 題目比咗題示。
對於 speaking 卷，都有部份分數落咗英文正確性度。 不過影響就唔大嘅，始終口講比較難聽得出細錯， 但大錯一樣聽到。
作為6年英文補習經驗嘅導師，親眼見過有位同學佢好勤力操卷，但係每份卷都拎唔到 top 20%嘅分數，就係因為 grammar 底差。
而且上到大專大學，都有英文科，你寫嘅 essay 裡面 language 都會計分，影響你該科嘅分數之餘都影響 GPA 。
所以建議大家都係打好grammar底，咁樣啲分數易拎好多。
如果你底差，一嚟就揸住本好厚嘅 grammar 書係冇乜用，更加令你睇唔明或者易半途而廢。
憑我中小學都有補嘅經驗，如果你 grammar 底差，好有可能唔係中學時先係咁，很可能小學個 grammar 底都有問題（但都有可能小學英文卷拎到80分左右所以唔覺眼）。事實上好多句子 grammar 喺小五六嘅時候已經有教，建議你可以喺書局買本小五同小六 grammar 書，成本做哂睇下有咩唔識， 再買果個 topic 嘅中學 grammar 書。因為好多中學嘅 grammar items 只係小學嘅延伸。如果你唔知㨂邊啲好，可以問 寫文巴 。
㨂 grammar 書盡量唔好㨂歐美國家嘅，因為大家母語不同，學習方法亦唔同。 呢個就係點解好多人拎住 Cambridge 本 grammar in use 但 grammar 冇好到。建議用返香港或新加坡出版嘅，因為呢兩個城市英語學習進度相若，都有華語底，同埋都係考試嘅大城市，即係只要有心乜試都考到。大家都知歐美比較唔係填鴨，用浸同flexible嘅方法學嘢，所以操歐美 grammar 書同 reading 書進步可能比較慢。
如有需要補英文，可以揾 寫文巴 傾下，寫文巴有 6年中小學補習經驗、2年大專補習及改文經驗，不同種類嘅同學都見過，可能有啲 insights 比到你。