註：本文作者數學科核心成績為 5* ，因此建議只適合目標為 5* 或以下之同學，或數學補習老師。如目標為 5** ，請自行研究備試策略。
首先帶個頭盔先，對我有用嘅方法唔一定對你有用，亦都唔一定要跟足的，始終係你去考唔係我考。
雖然 old school 但都要講，你瞓得夠個腦先郁到的，唔好學我通頂打機去考數學結果失手跌咗粒星，千祈唔好。同埋唔好諗住夜訓，1點訓到7點就算夠訓，但10點訓到4點效果更好。
呢度唔係叫你雕花，係叫你啲字唔好太細，都唔好打風咁款。會建議成日有野要修改嘅同學善用鉛筆，刷得快啲都唔使浪費你嘅塗改帶，慳返啲錢去食好西會比較好。然後太多野要改的就直接一個大交叉刪咗佢寫吧，唔好浪費時間。
聽某數學名師講，字體打風嘅人數學唔會好。
DSE 想考咩 grade ? 學校考試又想考幾分？校內試黎講，如果你真係好臨急抱佛腳又淨係想求合格的話，係可以搵學校老師問下今次考試有邊個 topic 係重點的 XD 但其實就不建議抱佛腳的，會話你平時習慣下溫書會好啲。 DSE 黎講， aim 5 或以上嘅唔使我講吧，你平時應該都知自己有邊個 topic 偏弱會失分，咁就去搵 by topic 操吧； aim 3-4 的就應該 A1 A2 都要識做， part B 都要試下做(a) (b)的，會建議 A1盡量 aim 30分以上； aim 2 的就建議盡量做曬 A1，A2 都試下做執下分。由於需要喺 A part 大量拎分， 唔建議跳 topic 做， 請操 by-year 。
實用 set 目標小貼士： 可以 set mock predicted grade +1 做目標，因為一個月升一個 grade 唔難，但升兩個 grade 好難。
計數機要跟身，初中未讀M2見過太多同學比人玩計數機轉咗去GRA/RAD，又或者係shift 9 3，慎防呢啲人。Program唔使要太多，我當年淨係用simultaneous equation同intersection of st line and circle，但當然你有用開其他program都入埋啦。可以做兩手準備帶兩部入場，咁樣忽然冇電都唔駛死。
操卷前請先溫書，你唔溫就去做基本上係曬咗份卷的。然後請你好好地改正，而唔係淨係為咗應付老師。讀書係你自己的，唔係好關老師事。改正係為咗比你反思自己有咩位做漏 step /唔小心/ concept 唔清，然後下次可以做得更好。有啲人會叫你去做錯題簿，去 keep record 你做錯過啲咩，我個人黎講就冇做過的(因為我懶)，不過我有記住自己咩 topic 偏弱，去操返 by topic 的。
給中游同學的偏方： 想 aim 5 操15年 pp （可以包含 07-12 年 CE ）， 想 aim 4 操 10 年 pp ， 想 aim 3 操 5 年 pp 。
如果你真係好迷惘，唔知點做好的話，我會建議你去搵學校老師傾下先，始終佢教咗你咁耐，點都會知道有啲咩建議啱你的。如果你覺得學校老師都唔係幫到你好多嘅話，係可以去補習嘅。大型補習社係會平啲，但就冇辦法跟得好貼你進度；私補係貴啲，但係1 on 1就會個人化啲，唔使晒太多時間係你擅長嘅topic上；中小型補習就兩者取平衡，唔會太貴，但都做唔到完全personalize你嘅需要，自行取捨吧。
Non-JUPAS.info 提供 zoom consultation 服務，幫助同學制定合適的目標及備試策略，價錢為 $750/1.5 小時， 指導導師為 telegram https://t.me/athpretzel 。另有恆常 zoom 補習服務 ， 1星期1堂 每班 $900 / 2 hrs， 1星期2堂 每班 $800 / 2 hrs ，每班可為1位同學或自組2位同學。（導師已往海外升學，所以只能 zoom ，如有海外升學問題都可以問佢。）
祝大家都有好成績。