首先要講嘅係個人興趣，個人興趣比錢途/前途重要得多。喺20個選擇當中，即使有啲唔係咁感興趣嘅，但個人唔應該討厭呢啲科目。例如有人好討厭電腦科，我會建議唔好揀電腦科，唔好入咗電腦系，可能最終會係Quit U。我覺得讀三年自己討厭嘅科目係好慘嘅事，大家千萬唔好試，即使冇讀大學都好過中途退出，嘥咗時間。考慮完興趣之後，大家可以先了解自己有能力入嘅科目，揀啲自己鍾意嘅科目。
 

• 首先，唔需要太過聽學校老師講，因為學校想造數更多人入到 A1 ，所以學校比啲策略會偏保守。如果你都係有夢想嘅人有心儀嘅學科想入，可以比起學校教嘅排法更aggressive一啲。
• 如果係放咗榜，整理好你嘅成績；如果係未放榜果兩次排 choice ，準備你嘅 predicted grades 。如果學校有幫你 predict ，都冇話唔可以用，但過往見到學校 predict 嘅一係太保守一係太進取，好難 pre 準。以我為例，學校 pre 我數學拎1，最後我拎4，學校pre我英文5**，但最後得5*。
• 個人覺得私補老師睇你做卷 predict 比學校準確。如果冇私補老師幫你補，你有兩個方法。第一，睇返學校上年啲師兄姐嘅成績，以佢喺校內全級排名同你比對。我當年係用呢個方法因為我DSE年期比較早， cut off 並不透明。第二個方法：操 past paper 計分，自己睇返cut off 參照，網上一google就有。缺點係好多人以為做一年卷個 cut off 參照 grade 就可以垒考，實際上你要操10份 past paper 拎平均成績先可以 minimise yearly bias ，但有幾多人想科科都操10年。 而且，份卷你自己改嘅，冇第三方專業眼光改，比分易有錯誤。
• 準備好你嘅分數之後，就要睇往年收生median分數，JUPAS官網有齊。要用 median 甚至 upper quartile 去計自己入唔入到，用lower quartile唔安全。如是者，list 20 科符合你成績嘅。
• 最後係要逐科逐科查佢 first year intake ，同樣喺 JUPAS 官網就有，但唔係一個 pdf 睇哂， 而係要逐科逐科查。所以排 choice 最花時間就係呢度。
• 將你最想入嘅3科揀出嚟，排喺 Band A ， 因為 Band A係最易入。呢3科可以按你想入嘅順序排，又或者好似我咁，first year intake 越少人排越高。因為理論上收得越少人越難入，應該排高啲避免櫈到好後 banding 先入到。
• 剩返果17科，都係按 first year intake 少嘅排先多嘅排後面。
• 搞掂！

如果你依然 unsure 排得好唔好，可以比 寫文巴 幫你望兩望。 

建立日期： 2024-05-18