喺 DSE 成績公布之後重新排 JUPAS choices 決定你嘅一生。由於思考時間太短，我哋要喺放榜之前考慮清楚。咁就見上文點樣 Predict grades 。
JUPAS 有超過7成人係 band A 取錄，有超過8成半係 band A/B 取錄嘅，所以頭6決定你一生。
重新排次序嘅方法最多人用嘅都係 DNNNEE （ Difficult-Normal-Normal-Normal-Easy-Easy ），即 A1 係比自己成績高少許嘅科目， A2-B4 係選擇與自己能力相同嘅科目， B5-B6 則係自己穩入嘅水泡。我建議對一啲一定入唔到嘅科目，要狠狠放喺 band E ，因為你入讀呢啲科目嘅機會係接近0，你只可以博一兩科，唔可以博太多科目，所以排得前都嘥位。相反， A2-B4 係你成績相近又好想入嘅科目，呢啲科目你成功入讀嘅機會應該大過70%。 B5-B6 則係一啲好穩陣入讀嘅科目，呢啲科目係你嘅「救生水泡」。但重要嘅係呢6科你一定要有興趣，最少都唔可以太反感，因為喺20科中只有呢6科你有 85% 嘅機會入讀。
除咗DNNNEE之外，仲有DDNNNE（極進取），NNEEEE（極保守）等好多種唔同嘅方式，各有利弊，好多視乎申請人係比較保守定係比較進取。但我個人認為應該喺呢2個極端之內，極端之外嘅如DDDNNN同NEEEEE等我都唔太推薦，因為太不切實際。
筆者個人排 choice 當年係 DDENNE ，最後成功入讀 A1 z，相信係 interview 有幫助。 另外大家亦可考慮 DDNNEE 平均型。
另外，有啲學科只收 Band A ，有啲則收 Band A/B ，有啲則收 Band A-E ，呢啲資料亦要考慮在內，可以睇返 JUPAS 官網分科網站。