當年我冇買卷，但係後悔咗。以下討論一下買/唔買嘅好處唔好處。
1. 唔駛煩
2. 慳錢
1. 可能會升 grade ， JUPAS offer 可以重新要求個更好嘅，而且有啲工、有啲 admission scholarship 都會睇返你 DSE 嘅成績。
2. 手上拎返真蹟，好珍貴。 如果有機會做補習，仲可以拎比學生睇下咩表現就可以咩成績。
總括而言，買同唔買都有兩個好處，請自行衡量。
Appeal 咗有機會比本身 offer 派到更好嘅 offer ，以 appeal 後成績為準，唔會因為你 appeal 咗而打折。
不論有冇獲得／接納 ( take ) 正式遴選取錄資格 (Main Round Offer )，喺香港中學文憑考試成績覆核後取得更高嘅科目等級（成功 Appeal 升 grade）嘅申請人，都符合資格遞交要求根據覆核成績重新考慮入學申請同埋修改／唔修改課程選擇。即係無論你有冇 offer 、有冇 take 到個 offer ，成功 Appeal 都可以排多次 choice 或者唔重新排。
符合資格遞交要求根據覆核成績重新考慮入學申請嘅申請人，如果滿足以下要求，就有機會 Appeal 埋個 JUPAS offer ：
申請人喺課程嘅評核結果名單上嘅位置（綜合覆核成績、課程選擇組別、面試表現（如果適用）同其他考慮因素）高過該課程喺正式遴選嘅取錄線（即位列末位獲取錄嘅申請人）。即係高過本身有 Main Round Offer 裡面最低成績/表現嘅果個人。
符合以上要求嘅申請人，不論該課程額滿定唔額滿，都會獲得該課程嘅取錄資格。
呢個訊息好重要，正常嚟講額滿咗你就入唔到，但只要你成績已經高過最後入嘅果個人，就算額滿都入到。所以 Appeal 成功可以改變排 choice 策略。本身排 choice 策略 A3 都會放啲收得多人嘅，但如果係 Appeal 成功，可以 Band A 放哂想入嘅科，即使少位。
已經獲得正式遴選取錄資格嘅申請人需要將希望再次重新考慮嘅課程選擇排列喺正式遴選中獲得取錄資格嘅課程之上。
9所參與院校同／或SSSDP「資助計劃」院校（院校）只會重新考慮課程選擇名單上排列喺正式遴選取錄資格嘅課程以上嘅課程選擇。換句話講，院校唔會重新考慮申請人喺正式遴選中獲得取錄資格嘅課程同以下嘅課程。
用人話嚟講，假設你 Main Round Offer 個 Offer 係 A3 ，而你如果唔改 choice ，JUPAS 只會考慮你有冇機會入到 A1 或 A2 。但如果你將本身選入個 A3 排落 B6 ，咁 JUPAS 就會幫你考慮 A1 ~ B5 入唔入到。 所以如果本身個 offer 你已經唔想要，你可以將佢排落 E20 ，等 JUPAS 同你重新考慮哂所有 choice 。