從結論而言，擁有過去或即將參加香港中學文憑考試成績嘅申請者： Combine Cert 係唔駛自己特登申請， JUPAS 會自己幫你 combine 。
申請者要用同一份身份證明文件（即香港身份證）嘅號碼去設立 JUPAS 帳戶同埋報考香港中學文憑考試。 「大學聯招處」、9間參與院校同SSSDP「資助計劃」院校會向香港考評局 = HKEAA 索取申請者所有過往或即將參加嘅香港中學文憑考試成績（包括成績評審證明書）。
申請者提交申請時，要透過「大學聯招辦法」網上申請系統入面嘅「My Declaration」欄目授權「大學聯招處」、9間參與院校同SSSDP「資助計劃」院校向香港考評局索取成績，同埋就考評局發放相關成績，用作處理入學申請。申請者要喺「大學聯招辦法」帳戶確認香港中學文憑考試嘅年份，確保「大學聯招處」、9間參與院校同SSSDP「資助計劃」院校已經向香港考評局索取佢哋所有香港中學文憑考試成績。申請者要登入佢哋「大學聯招辦法」帳戶確認「大學聯招處」、9間「大學聯招辦法」參與院校同SSSDP「資助計劃」院校向香港考評局索取申請者香港中學文憑考試成績嘅年份係咪無錯。當申請者可以確認佢哋香港中學文憑考試成績嘅年份時，會收到「大學聯招處」嘅電郵和短訊通知。
所以，申請者唔需要向「大學聯招處」提交過往或即將參加嘅香港中學文憑考試成績。
9間參與院校同SSSDP「資助計劃」院校喺審核入學申請時可能會考慮申請者喺唔同年度考獲嘅香港中學文憑考試成績。所以，申請者應詳細睇各個院校嘅一般入學條件同埋各自課程嘅入學規定同網站。
申請者喺「大學聯招辦法」帳戶登記嘅香港身份證號碼必須同佢喺香港考評局報考香港中學文憑考試時登記嘅號碼完全一樣。如果申請者之前用唔同嘅身份證明文件報考唔同年度嘅香港中學文憑考試，就要立即通知「大學聯招處」。否則，「大學聯招處」、9間「大學聯招辦法」參與院校同SSSDP「資助計劃」院校就無法向香港考評局索取申請者所有過往或即將參加嘅香港中學文憑考試成績。因為9間「大學聯招辦法」參與院校同SSSDP「資助計劃」院校無法查閱申請者所有嘅香港中學文憑考試成績，所以佢哋嘅申請可能會受到影響。
即係話如果你一次用身分證報考 DSE 另一次係用其他證件，就要特別通知聯招處，又或者如果你身分證號碼有轉過都係。