根據 JUPAS 官網嘅資訊，校長推薦計劃（SPN）嘅主要目的係確認申請者喺社會服務方面嘅貢獻，或者非學術範疇（例如創意活動、藝術、社會服務、領袖才能、音樂、其他文化活動同體育）嘅出色表現。 提交SPN 有以上才能或者喺上述範疇有出色表現嘅在校申請人，可以透過就讀學校嘅校長推薦參加呢個計劃。 如果唔係在校申請人想參加呢個推薦計劃，可以向佢曾經就讀過嘅學校嘅校長提出要求成為該校嘅其中一位被推薦人。
而參與院校可以自己決定點樣處理推薦人嘅申請：
1. 喺香港中學文憑考試成績出嚟之前，畀予受薦人有條件入學嘅資格（受薦人嘅香港中學文憑考試成績要達到指定要求）；或
2. 喺評核有關課程嘅結果名單編制時，畀予受薦人較高分數，增加佢哋入學機會；或
3. 唔畀予受薦人有條件入學資格或較高分數。
整合以上資訊：
1. 校長推薦計劃（SPN）嘅主要目的係確認申請者喺社會服務方面嘅貢獻，或者非學術範疇（例如創意活動、藝術、社會服務、領袖才能、音樂、其他文化活動同體育）嘅出色表現。而呢啲獎項同活動你已經喺 OEA 申報過，校長只係根據你嘅 OEA 寫啲重覆嘅嘢。
2. 院校可以決定加唔加你分，唔一定加的。加嘅話睇到 OEA 都加咗，唔加嘅有校長推薦都唔會加。
整合埋我哋 JUPAS Talk 一般嘅意見：
JUPAS 都係考慮 DSE 成績比較多。
總括而言，係冇乜用嘅。