大家好，我係 Non-JUPAS.info 邀請嘅合作導師，我係喺 UST major chem 畢業，擁有 8 年補習經驗嘅補習導師。 今日就嚟同大家講下如何考好 DSE chem 同埋大學讀 chem 嘅出路。
| Compul | Electives (3揀2) |
|
|
Electives 嚟講，基本上一定係揀工業化學同分析化學。
而 Core 部份又可以分為 Structural Chem 同 Inorganic Chem
Structural Chem ： 地球、微觀世界1&2, 化學世界的規律 ( 簡單 topics )
- 微觀世界1&2有答題框架，漏一兩隻字就冇分
- 化學世界的規律出咗5年論述題
Inorganic Chem ： 金屬、酸和鹽基、氧化還原 ( DSE 常考但較多同學未能掌握嘅課題 )
- 需要concept + 運算
- 多野背
- 多tricky位
如果你係 aim 5 range ，都必須要講你係所有 topic 都要熟。但如果你係 aim 3 或 4 ，建議你熟讀：酸和鹽基、化石燃料和碳化物、氧化還原反應、碳化物的化學呢幾個 topics，因為都 cover 咗成份卷約7成半。
我知道好多同學流行咩名師筆記、雞精天書，又或者你有私補嘅都想要私補老師有筆記提供比你。但我要話你知，呢啲筆記係冇用。揸住啲筆記，係你老師同埋天書作者可以拎 5** ，唔係你，唔通一本天書嘅錢就個個考 5** 咩。就算背哂，都未必可以轉化成答題格式或者內化為自己熟識嘅知識。因此，不論係上面建議精讀嘅課題定其他課題，都建議你全部課題都要製作成自己嘅 point form 同 flow chart 形式嘅筆記，之後如果 aim 5 range 再將by topic past paper model ans 都製作成 point form 同 flow chart 筆記。點解要係 point form 同 flow chart 呢，因為段落式你冇可能背到咁多，而且 chem 亦唔係文科。之後如果你係 aim 5 range ，就要將自製筆記全部記哂。如果 aim 3 ，只需記熟自製筆記嘅精讀課題部份，非精讀課題只需要製作完筆記就可以開始操卷。自製筆記可以確保啲 points 係以你睇得明嘅方式記錄，減低人哋明但原來你唔明嘅可能性，而且製作過一次點都會有啲記憶。
DSE 想考咩 grade ? 學校考試又想考幾分？校內試黎講，如果你真係好臨急抱佛腳又淨係想求合格的話，係可以搵學校老師問下今次考試有邊個 topic 係重點的 XD 但其實就不建議抱佛腳的，會話你平時習慣下溫書會好啲。 DSE 黎講， aim 5 或以上嘅唔使我講吧，你平時應該都知自己有邊個 topic 偏弱會失分，咁就去搵 by topic 操吧。
實用 set 目標小貼士： 可以 set mock predicted grade +1 做目標，因為一個月升一個 grade 唔難，但升兩個 grade 好難。
操卷前請先按上述方法溫書，你唔溫就去做基本上係曬咗份卷的。然後請你好好地改正，而唔係淨係為咗應付老師。讀書係你自己的，唔係好關老師事。改正係為咗比你反思自己有咩位做漏 step /唔小心/ concept 唔清，然後下次可以做得更好。操卷記得計時，就算你啱啱開始操真係做唔哂，起碼 mark 低限時內做咗幾多題幾多分，先慢慢做埋餘下題目，咁先會有進步。
無論你係 aim 幾多，都建議你先操 by topic 再操 by year 。可以操返 F3 嘅 Topics 先，因為年代久遠可能唔記得咗。呢啲 topics 可以喺你做完該課嘅自製筆記就開始操。
給中游同學的偏方： 想 aim 5 操15年 by year pp （可以包含 07-12 年 CE ）， 想 aim 4 操 10 年 by year pp ， 想 aim 3 操 5 年 by year pp 。所以係咁多年嘅 by topic 都操過哂再操目標年數嘅 by year 。
操完卷記得計分，然後按返往年 cut off 計自己份卷拎到 lv 幾，符唔符合自己啱啱 Set 嘅目標。 DSE 已經有十幾年歷史，如果你 aim 5* 或以上，建議每份卷唔好淨係操一次。先由近嘅年份操起操到遠嘅年份，日期同分數全部記錄低，再重操近嘅年份，比對一下自己有冇進步。如果有進步，你就係喺正確嘅方向前進緊；如果冇，記得拎兩個不同日期做同一份卷嘅真跡比你嘅老師或補習老師睇。
Chem 始終係理科唔係文科，所以幾多分嘅題目就係想答幾多嘢。一分一句或者一分一個 point ，一分可以答 2 個 points 大包圍，可以答多但請唔好答少。 請熟讀 DSE 嘅評分模式，睇清楚 past paper 嘅 marking 邊啲 steps 、邊啲 keywords 有分，例如 reducing agent oxidizing agent, loses electrons, extra petrol, net dipole moment , hydrochloric acid dissolves in water and ionizes to form H+ ions 等等。用2019年嘅文憑試為例，評卷參考指出好多考生失分嘅原因係因為「用錯字」同埋「唔夠化學公式同理論」。例如，有啲同學唔寫「UV光線」，反而寫「熱力」；唔寫「吸收熱能」，反而寫「温度上升」。所以就算一樣意思，都要 exact wordings 先可以有分。
Chem DSE 可以分成一分題、二至三分題、四分以上論文題。
一分題：通常係問反應物生成物嘅名稱、定義，可以短答，只要中到就有分。
二至三分題：通常係是非題、因果題、或者化學式，再加原因。2分題比一個原因，3分題比兩個。
四分或以上論文題：如果題目開始嘅部分有*， 代表題目會有一分 language 分數，唔可以比短答，必須係完整句子。可以先將題目總分減一分，餘下嘅分數就係points數目。答嘅時候注意必須解釋清楚，唔可以跳 step ，要好似畫咗個 flow chart 出嚟咁樣一步一步說明，完美解釋清楚。
坦白講，如果你 aim 5* 或以上，錯題簿都冇乜用，因為你每一次做卷都要要求自己全對。 但如果你 aim 3-5 ，而你目前喺 2-4 左右，你可以嘗試製作錯題簿，列出你曾答錯嘅題目、你嘅錯嘅答案，同埋正確答案。碎片時間如搭車時間唔係好適合睇完整嘅自製筆記，但好適合睇錯題簿。透過不斷重温，減少再錯。可以用鉛筆製作，當你以後都答得啱就可以擦咗佢，但當然如果又錯咗又要再寫返上去，反反覆覆你嘅記憶就會加深。
如同所有其他理科，大原則係一分題用一分鐘。因此，佔卷一 30% 嘅 MC 應該使用 45 分鐘 ( 一題一分鐘，餘下時間覆卷 ) ，而短答題應該使用 1小時45分鐘 ( 每分用一分鐘，餘下時間覆卷 ) 。
如果唔符合呢個大原則，即係你遇到一啲難嘅題目諗唔到，或者你咁啱唔記得咗果個 topic ，請唔好死 jer 一條題目，以為自己爭少少諗到，唔會的。如果你已經諗咗超過一分鐘都諗唔到，就跳過佢做其他先，再用預留咗嘅覆卷時間慢慢諗呢啲題目。
尤其係卷一，因為考 2.5 小時，要集中咁長時間未必咁容易，即使你有計時操開卷練開。如果你感到你個腦諗嘢嘅速度下降，脫離咗高度集中模式 (或稱心流) ，或者視覺有一陣模糊暈眩，請你伏低唞兩分鐘或以上再繼續。死捱係冇用的，會令你成份卷都做得慢。不如用幾分鐘閉眼休息，等個狀態返嚟再繼續做。
要避免考試時集中力下降，記得前一晚要訓足8-10小時，而且早訓為佳。10點訓到6點總好過12點訓到8點，即使時長一樣，早訓都係好過遲訓。
Non-JUPAS.info 提供 zoom consultation 服務，幫助同學制定合適的備試策略同埋化學科升學指導，價錢為 $750/1.5 小時， 請聯絡 寫文巴 代為通知指導導師。另有恆常 zoom 補習服務 ， 1星期1堂 每班 $900 / 2 hrs， 1星期2堂 每班 $800 / 2 hrs ，每班可為1位同學或自組2位同學。（導師已移民海外，所以只能 zoom 。）
祝大家都有好成績。
跟住落嚟，下面部份就會同大家講下大學讀 chem 有咩出路，會唔會乞食。因為本人嘅細佬都係讀 chem 嘅，但暫時我覺得佢都撈得唔差，所以想分享下讀 chem 唔係真係咁乞食。
1. 醫藥及生物科技行業：化學專業嘅畢業生可以做藥廠 lab，從事新藥研發等工作。由於整體社會氣候人口老化都會越嚟越關注健康，所以呢個行業都有不少發展空間，係一個潛力龐大嘅領域。以我細佬為例，佢做過藥廠 lab ，而家做特醫食品 lab ，都同健康產業有關係，需求硬性。 香港都有不少製藥公司，就算唔做藥廠，都可以做 supplements 嘅 lab ，都係大勢所趨，而且以而家嘅人口趨勢，可見將來呢個 trend 都唔會 diminish 。
2. 食品 lab ：呢個行業都 constantly 請人，缺點係流動性大同人工低，因為唔係大學畢業都做到，但係一定唔會揾唔到工。如果你揾唔到其他工作，可以做住先，做夠一兩年儲夠錢就可以讀 master 洗底，就可以做返其他工作。
3. 教育界：畢業生亦可以選擇喺教育界工作，成為中學或大學嘅化學老師，教導同啓發學生對化學嘅興趣同熱情。但除非你本身 double degree 有 BEd ，否則入 pgde 競爭好大，未必入到。入得到，做T就起薪 34k ，入唔到，做 AT 就得 17k 。就算你做到T，你跟住跳 point ，由 34k 做到頂薪 70k 成個生涯都只係揾到 1800萬 ，只夠退休多少少，未必夠提早財自退休。相反，如果你做補習行業，起薪都係3萬幾，都係每年加人工，而且有更多自由時間，工時比日校老師短，有望40歲退休。缺點係如果你真係退唔到休，學生一般比較唔鍾意年紀大嘅老師，補習 demand 會下降。所以要趁後生揾一啲冇年齡上限，只會越揾越多唔會因為 demand 下降而冇得撈嘅副業，詳情可以揾 寫文巴 介紹 ( 需要約出嚟面談 ) 。
4. 科研領域：畢業生可以選擇進入科研領域，喺大學或研究機構從事化學相關嘅研究工作。呢個領域可以俾畢業生機會進行創新研究，推動科學發展。即係做 RA 、讀 Mphil 、 PhD 。缺點係科學科 research interest 好窄，未必匹配到，同埋 ( 比大陸人 ) 搞到競爭好大。 優點係政府比錢你，你只要付出時間就有個 degree 。但係錢唔多，無論係 RA 定係 Mphil 定係 PhD ，相比起你嘅付出，呢啲錢都唔多。做藥廠性價比一定高好多。
5. 營養師：我明白唔係讀咗 Chem 就做到，仲要考牌，但係有 Chem 底如果你出嚟做私人營養 coach ，易 sell 好多。同教育界一樣係私人揾得多過做政府嘅。
6. 其他行業：喺學校官網有寫嘅行業但比較少見到喺香港做到或者揾到錢：化工業、環境保護。喺香港，化工業都係一個重要嘅行業，畢業生可以進入化工公司從事生產、研發等工作，參與各種產品嘅製造過程。化學專業嘅畢業生仲可以投身環境保護工作，從事環境監測、環境治理、廢物處理等工作，幫助保護環境同地球。
總括嚟講，喺香港讀大學主修化學科嘅學生有好多出路同發展機會 ( 但揾唔揾到錢要另外考慮 )。不論係科研、醫藥、環保定教育領域，化學專業嘅知識同技能都能夠幫助畢業生喺事業上取得成功同影響社會。當然，喺追求事業嘅同時，持續學習同專業發展都係非常重要嘅。