在職場學習大致可分為兩類：被動同主動學習。
呢兩者最大嘅區別在於學習動機（即係心態）嘅唔同。雖然冇好壞之分，但要學識一套完善嘅技能，我認為「主動學習」嘅學習動機可以更好地幫助你達成目標。
「被動學習」嘅學習動機通常係為咗解決工作中嘅問題，或者係短時間內需要應用嘅技能，迫使我哋要去學習。佢嘅好處係成功幫你解決面對嘅問題，令工作順利完成。
舉例嚟講：你喺數據分析時發現需要用到某個函數嚟計算。於是你快速上網 Google，或者睇 YouTube 教學，了解呢個函數點樣用，計算出你想要嘅結果。
主動學習嘅動機就相對多元。例如 M 作者，學習陌生技能可以滿足個人好奇心，同時令我從工作中獲得更多嘅「新鮮感」。
身邊一啲職場人主動學習嘅動機亦包括：提升整體工作效率、為履歷加分、為理想職位提前規劃等等。
主動學習可以令我哋願意投入更多時間喺學習上，同時亦可以學得更加深入。
新技能應該學習乜嘢呢？如果你已經有動力學習，應該點樣入手？我會提供兩個方向，俾唔知學咩技能嘅職場人參考。
唔知學咩，可以由日常工作入手諗：
1) 邊啲技能可以提升工作效率：睇下而家用嘅工具（例如Microsoft/Google Sheet/Photoshop等）仲有冇啲功能你唔識、但可以提升效率？如果你對而家用嘅工具好熟練，係咪有其他更實用嘅工具可以用喺工作上？
2) 其他同事用嘅技能，對你有幫助：同事一齊做嘢，基本上工作內容唔同。即使係相似嘅工作，每個人都有自己嘅方法。
你可以留意同事用咩技能，同佢哋傾下，了解邊啲技能你有興趣，點樣可以應用喺自己嘅工作上。
可以去求職平台睇下其他公司對你職位需要咩技能，或者喺相似職位，想晉升就需要啲咩技能。
我最常去睇嘅係LinkedIn。你可以睇各公司嘅職缺同招聘要求。
招聘要求可以幫助你明確學習目標，決定下一步點樣學，例如網上課程、睇書、考檢定等。
首先，要有心態，唔好怕學習新嘢，要敢於挑戰自己。有啲人咩都驚，上個 course 又驚人 sell ，約一啲行業精英出嚟傾又鑑於對方嘅行業 ( 例如保險 ) 又怕 sell ，咁怕 sell 係咪想一世唔學？要諗清楚，冇知識先係最易比人呃。如果果個人願意提供知識比你，喺佢 sell 到你之前已經袋咗嘢入你袋。同埋所有嘢唔好淨係學一個 version ，要聽下唔同人講同一樣嘢，再綜合成自己嘅 perspective ，咁先夠全面，避免到 bias 。總之要勇於學習新野，唔好怕。
其次，唔單止學習，實踐同練習都係重要嘅。你以前學牧童笛，而家咁多年冇吹，冇練習嘅情況下你可唔可以忽然間吹到一首好歌？咁你細個學用較剪，我而家忽然叫你剪紙，你剪唔剪到？兩者嘅分別就係學完就放低咗定係有練習。所以如果想要鞏固知識同技巧，將所學應用喺實際情況中，並且定期反思自己嘅表現同進步之處，係持續提升技能嘅關鍵。
另外，要善於反思同改進。唔係每次都可以一次過學好，所以要善於反思自己嘅不足，並且不斷改進自己。就好似 Oprah Winfrey ，佢唔單止係一位媒體大亨，亦係一位慈善家同啟發者。Oprah Winfrey 靠住自己嘅毅力同堅持，不斷反思自己嘅成就同失敗，並透過呢啲經驗不斷改進自己。 Winfrey 喺佢嘅脫口秀節目《The Oprah Winfrey Show》中經常探討生活中嘅挑戰同困難，同時亦分享自己嘅成長故事同學習經驗。佢透過呢個平台啟發無數觀眾，鼓勵大家勇於面對自己嘅不足，並努力改進。 Winfrey 嘅例子提醒我哋，無論係喺事業、人生定係個人成長方面，反思同改進都係非常重要嘅。透過接受自己嘅缺點同挑戰，並積極尋求改進，我哋可以不斷進步，實現更大嘅成就同滿足感。
再者，要保持耐性同埋堅持。學識嘅路上，唔會一帆風順，可能會遇到困難同挑戰，但係只要堅持不懈，一定可以攞到果份成果。簡單啲嚟講，就好似 Elon Musk 面對過無數挑戰同困難，包括技術上嘅障礙、財務壓力同公眾壓力。不過，佢從唔放棄，堅持努力同創新。Elon Musk 喺面對 SpaceX 失敗嘅時候，唔係咁輕易放棄，而係透過分析失敗嘅原因，吸取教訓，再次嘗試，最終成功發射太空船。Elon Musk 嘅故事提醒我哋，成功唔係一蹴可及，需要堅持、創新同不斷學習。佢嘅例子展示咗，喺面對挑戰同失敗嘅時候，保持耐性同堅持係至關重要嘅。
最後，要善用資源。唔好諗住一個人學，其實周圍嘅資源好多。當你大部份時間貢獻比返工，仲要一個人學嘢，好容易半途而廢，意志消沉。如果你係報 course ，緊記認識同學，有個伴同你一齊學習。如果你係自己一個自學，都記得同身邊嘅人講你學緊啲咩，咁樣你就算想放棄都有啲壓力唔可以咁易放棄。最好當然係有老師，例如 personal coach、trainer 等等啦，因為佢哋嘅工作就係要督促你。
除咗 industry-specific 嘅技能之外，仲有兩大技能係好多工作上都必須嘅，佢哋就係：
咁點樣可以提升佢哋呢？
首先，提升邏輯思考能力係非常關鍵嘅。要喺職場上處理複雜嘅問題同挑戰，就需要有清晰嘅邏輯思考能力。一個有效嘅方法係訓練自己喺處理問題嘅時候，採用系統性嘅方法。例如，可以學習喺面對難題嘅時候，先分析問題、整理資料，然後提出解決方案。同時，都要喺處理問題嘅過程中保持冷靜同客觀，唔好被情緒影響判斷。同一啲好冇邏輯嘅人相處都係一個方法，雖然會好攰，但係佢冇邏輯就代表你要幫佢整理埋啲邏輯，再彈返比佢 confirm 佢係咪咁嘅意思，呢個係一個好好嘅練習。
其次，溝通協調能力亦係職場上非常重要嘅一環。好嘅溝通技巧可以幫助你同同事、上司同客戶有效溝通，避免誤解同衝突。有一個好有效但未必人人會做嘅方法就係換多幾份工，同唔同嘅同事共事，就會遇到不同種類嘅人，學識點樣相處。同時，亦要學會喺團隊工作中協調各方嘅意見同需求，尋求共識同達成共同目標。再者，可以去一啲行業展覽，扮消費者問問題，觀察下對方點樣答，多加學習。
總括嚟講，發展工作技能係一個長期嘅過程，需要耐心同努力。只要你有心態、堅持唔放棄，善用資源同不斷學習改進，就一定可以喺職場上有所作為，迎接更大嘅挑戰。嚟緊有一個課程，會教大家成功嘅思維態度同觀念、如何運用系統化 SOP 建立穩定嘅工作成果、如何為你嘅工作定立目標與計劃、如何 scale 自己嘅 output 、點樣運用互聯網工具展現自己嘅影響力，提升銷售、如何運用社群營銷，適合各行主業同副業，每堂兩小時，學費 $830 ，有興趣請聯絡 寫文巴 。