筆者同大家分享吓我自己嘅職涯故事。我最鍾意就係唱歌同寫野，但係呢啲嘢而家冇辦法係我嘅主要糧食（至少而家係咁）。所以為咗謀生，我就要揾啲其他嘅工作，只要唔係太唔岩我嘅，我都會考慮。喺過去十幾年，我做過補習、康復服務、老人院、倉務，甚至家環保回收。但其實我唔係追求全職嘅工作模式，我想做一個斜槓一族，有啲彈性嘅時間去發展我嘅志趣。最近幾年，我係一間營養俱樂部認識咗一班夢想追尋者，我揀喺度做健康大使，為將來嘅斜槓生涯鋪路。（如果你都想參加可以聯絡 admin )
不過，我之前嘅工作經驗，係可以同而家嘅選擇連繫埋一齊。喺康復服務同老人服務嘅工作中學會咗照顧人；而喺環保回收嘅工作中，學會咗同陌生人溝通。呢啲素質同技能，都可以喺健康大使嘅工作中派得上用場。
不過，健康大使喺一開始唔會帶嚟穩定嘅收入，所以而家我嘅正職唔可以辭退，一份正職再加埋一份副業，就令我冇咁多時間去發展唱歌同寫野嘅志趣。所以，我就要揾一份長期、收入唔錯嘅兼職，先至可以真正擁有時間上嘅自由。喺呢個十字路口，我諗起我嘅人生就好似一個個連繫起嚟嘅點。除咗學唱歌，我都有學詠春。當初學詠春，係為咗陪伴前女友，之後分手後，就純粹當成一個興趣班。但係詠春令我有強健嘅身體，喺健康大使呢個兼職中我可以 show 到比人睇健康嘅重要性，對於比出健康建議就更有說服力。
當然，相對直線嘅人生，點同點連繫嘅人生，一開始可能會令人感到迷惑同唔得志，但一路行嚟，沿途會見到更廣闊嘅視野。咩係直線人生呢？
有啲人，佢哋真係好幸運，喺職業生涯嘅一開始就搵到啱自己志趣同專長嘅工作，然後就一路做到退休。佢哋嘅人生就好似一條直線，一開始決定咗就一路行，冇十字路口，亦都冇後悔嘅機會。好多專業人士，例如醫生、律師、老師、藝術家、運動員等都係行緊呢條直線嘅人生軌道。
呢種直線式嘅人生有好多好處。首先，集中精神同專注喺一件事上。當一個人將所有時間、精力同熱情都投入喺一樣嘢度嘅時候，就會越做越好，喺相關領域上取得更大嘅成就，成功感就會愈嚟愈強，自我認知就會更加確定，形成一個正向循環。其次，如果所從事嘅職業係穩定收入，甚至係鐵飯碗，就可以令人一生無憂，甚至過上小康生活。
不過，直線人生亦有缺點，就係人生支柱太過單一。時代變遷，經濟環境變化，特別係AI時代嘅來臨，好多行業將會被淘汰。例如，有一個鍾意多國語言嘅朋友，佢嘅職業係翻譯，但翻譯呢個行業將會被AI取代，呢位朋友就可能失業。如果呢位朋友除咗翻譯之外冇其他規劃，嗰就更加困難。除咗經濟上嘅打擊之外，佢一直學嚟嘅專長就冇用武之地，又缺乏其他謀生技能，佢嘅人生就會變得迷茫甚至崩潰。
相對於直線人生，更多人嘅人生軌跡唔係一帆風順，會面對好多十字路口，甚至試過錯誤。因為畢竟，好多人一開始唔清楚自己想要咩同自己適合咩。有啲人清楚自己嘅興趣，但受到客觀條件限制，佢哋嘅興趣未能成為職業，所以佢哋通常需要做出退而求其次嘅選擇。呢啲人喺唔同人生階段都需要做出唔同嘅選擇，但呢啲唔同階段嘅選擇彼此連貫，最終組成一幅清晰完整嘅圖畫。
喺人生嘅路上，有啲人一直行直線，有啲人就好似迴轉彎彎。每個人都有自己嘅故事，每一個經歷都係我哋成長同尋找嘅一部分。或許我哋會喺十字路口猶豫，或者迷茫中揾到方向，但最緊要係我哋要不斷學習、成長，尋找屬於自己嘅平衡同意義。無論係去追尋夢想、謀生謀食，定係係唔同嘅工作之間轉換，每一步都係我哋人生旅程嘅一部分，造就緊我哋獨特嘅軌跡。活得愈耐，會活得更明白、更完整、更充實，因為人生唔再係單一支柱，亦唔再係單一身份，可以展現多重價值同意義。最後，我哋會喺呢條曲折嘅路上揾到屬於自己嘅光芒。