作為一個疫情中 in 過4間公司，4間都 second in ，4間都出 offer 嘅 Interview Coach，面試對我嚟講係同飲水冇乜分別，亦係好機會。喺呢個競爭激烈嘅環境入面，我學到好多寶貴嘅經驗同教訓，體會到 interview 真係透過練習可以進步。喺呢篇文章，我會同大家分享我喺面試過程中學到嘅 9 大關鍵要素，幫助各位讀者喺求職路上更順利啲。唔論你係新手定係有經驗嘅求職者，呢啲實用嘅建議都可以幫你面試時更有信心同埋準備好。一齊嚟探索喺面對挑戰時，點樣展現最好嘅自己啦！
Interviewer 一定希望你對那間公司有初步嘅瞭解，所以每次去面試之前，我都會花時間整理以下呢幾個資訊：
呢間公司營運咗幾耐？主要產品係乜嘢？我應徵嘅職位喺個產業鏈嘅邊層，對間公司有幾重要？
呢啲資訊絕對有幫助，最好就自己整理成 point form 嘅 notes ，咁就唔會唔記得。
當然！一間公司唔係你上網查資料就可以完全瞭解嘅，但做足功課，絕對有助你答返相關問題，同埋令對方覺得你對呢個機會好認真。
唔只係了解公司嘅背景，面試邊一個行業都好重要，唔同行業對於同一個職位都會有唔同嘅要求同定位。可以試下搵下公司所屬行業嘅最新發展或者搜集相關行業公司，如果你對呢行過往20年嘅起跌、現況、難關同機遇有所了解，相信會 impress 到個 interviewer 。之後就可以 combine 呢兩者，得出公司喺成個產業擔任緊咩角色。
我去面試前一定會問有冇要特別帶咩，如果冇嘅話，過去嘅作品集肯定有幫助，尤其係同工作有關嘅，即使你唔係 design 相關行業！
而家做教育行業一定會有 trial teach ，唔可以用前公司嘅 ppt 要自己重新整 ( 雖然內容可能差唔多 ) ，如果你係 sales 類工作，都鼓勵你做一個 ppt 模擬你 sell 緊客。如果係其他行業，由於 interview 通常會有自我介紹嘅環節，你可以做一個 ppt 去 present 你過往工作嘅實績。
如果仲冇工作經驗嘅話，學士專題、碩士論文都係可以㗎！
整理好，自己都要再熟讀一遍，唔係到時就尷尬啦！
呢個係社會新鮮人經常有嘅問題，而出嚟做嘢5年嘅我就已經冇呢個問題。穿著打扮喺面試過程中係非常重要嘅一環。你嘅穿著要適合該公司嘅文化同氛圍，同時亦要表現出你對呢份工作嘅重視同專業態度。一般嚟講， smart casual 嘅穿著係一個安全嘅選擇，除非公司明確指定要求穿著正裝或者其他特定服飾。如果唔知咩係 smart casual ，你去睇下果類公司返工嘅人點著，就著類似嘅就得。 Design 、 Marketing 類嘅人都經常問我點著好，都係一樣，你去睇下前輩係點著嘅。大原則係端莊、得體，唔好露出太多皮膚。有啲人認為女性著西褲會比裙裝更加比人專業嘅印象，呢個我無從考究，請大家自行斟酌。畢竟，第一印象好重要，而你嘅穿著會直接影響到對方對你嘅印象。
香港係比較 tricky ，你唔知佢自介要你用中文定英文，所以兩種語言都要準備。自我介紹其實唔難。首先，你要講下你個名同畢業嘅學校，再嚟就可以描述下你嘅性格係點樣，講啲體現你性格嘅例子 ( 有故事性先會留得低印象 )，冇例尔我話我係天使性格都得啦。
最後，要講清楚點解你想應徵呢份工。呢啲都係幫助 HR 明白你對呢份工作嘅興趣同了解嘅重要部分。高階技巧係想佢問你啲咩，你自介就講啲唔講啲。例如你準備咗你實習學到嘅嘢呢一題，咁你自介就講你讀書時去咗某某公司實習，學到好多，但學到咩就唔講，咁佢就會問你。所以自介係要度嘅，即場發揮諗唔到咁多。
長處都可以放入你 present 嘅 ppt ，你要準備 2個咗融合行業需求與公司所需嘅優點去論述，再配上適當嘅例子，咁先會令聽果個有 feel 。
可能會問，唔一定會問，但就算唔問佢都想知嘅。因為唔想請咗你但公司比唔到你想要嘅嘢你，你都係會走。所以可以準備一下你期望公司比到咩你，同埋假設佢請咗你，你會喺公司訂立一個點樣嘅小目標。如果你嘅 vision 同公司一致，佢會覺得你就係佢要請嘅人。一般嚟講都係話你想學嘢，但具體係想學咩？都要明確指出。咁樣亦可以 demonstrate 到你對行業同公司有一定嘅了解。
有啲知名公司嘅必考題，係可以查到嘅，例如：
點解揀我哋公司？我哋點解要錄取你？你嘅優勢同缺點係咩？五年後嘅目標？如果遇到某情況你點樣處理？
呢啲題目，心入面要有標準答案，等到時候諗都來唔及！就算你反應好，答出嚟唔一定係最好嘅答案，事先準備先係上上策啊！
喺啱啱出嚟做嘢嘅幾年，我幾乎都係答「暫時冇，如果有會再 email 問你哋 」。不過我而家就唔會，因為短短嘅 interview 一定冇辦法溝通哂所有嘢，一定有啲嘢 cover 唔到。為咗令佢覺得你對呢份工真係好有興趣，最好問題都有 2 個。我曾經問過嘅問題係：薪酬點計、工作需要同邊啲部門比較多對接等等。呢個時候嘅小技巧係，當佢已經請咗你，你有咩要知咗先開到工做嘢？有時可能佢都冇諗過呢個問題，係你比咗機會佢諗。
標準題目：
福利、假期、保險、返工時間日子等等，甚至都可以問附近嘅多唔多嘢食 ( 呢題堅抽會令佢覺得你對呢份工有興趣 )，千萬唔好覺得唔好意思，因為畢竟面試係雙方嘅，唔單止係公司人資喺面試你，你亦都需要喺過程中了解返呢間公司。
高階版：
可以根據面試過程中， HR 特別問嘅問題或者解釋嘅地方，再延伸去了解細節，唔單止可以展現你係一個反應迅速敏捷嘅人，而且通常「特別解釋」一定就代表「有問題」！例如我之前面試一間公司，佢問：「你之前嘅工作有冇需要 OT 呀？」、「你同之前主管相處嘅情況點樣呀？」，通常呢啲問題就係「暗示」你佢哋公司常加班、你嘅主管個性或者作風可能好特別，所以，你可以根據呢啲相關問題再延伸去問。
學識未呢～ 希望各位有緣睇到文章嘅都可以有收穫。我哋唔可以預測所有面試會問嘅問題，但正確嘅準備方向係可以幫你增加成功嘅機會。透過面試過程，我領悟到每個面試都係一次成長嘅機會，而面對挑戰時展現最好嘅自己係一個不斷學習同進步嘅過程。喺求職路上，堅持不懈嘅準備同學習，一定能夠更自信地迎接未來嘅挑戰。希望大家都能夠在面對面試時發揮出最佳表現，為自己的職涯披荊斬棘。