大家管理自己嘅資產嘅時候，好容易就會諗到係錢、樓等等嘅財產。但係樓都唔一定係資產，可以係負債。乜嘢係資產呢？資產就係喺資本主義社會中，用你個名記錄你所擁有嘅資源，呢啲資源可以帶比你好處（例如維生、揾更多錢），但係隨著時間亦都會被通脹蠶食，又或者係折舊（例如你層樓會隨住樓齡折舊）。喺呢個角度睇，錢、樓、投資產品都只係你資產嘅一部份，我哋叫做有形資產，另一部份嘅資產，就係你嘅無形資產。
無形資產雖然唔容易被量化同訂價，但唔代表佢冇價值。
勞動經濟學家Daniel Hamermesh研究發現，靚仔靚女比較容易有人請、升遷快，而且人工都比外表平凡（我）嘅同事人工高3～4%，仲有身高較高嘅人，人工都高啲。所以努力護膚同食保健品去維持美好樣貌係咪好有用呢？
而且無形資產缺乏實體，不能被買賣。你可能會話，賣唔出唔可以變錢，咁我理佢嚟做乜？但係你諗下喎，假設地震海嘯，你買層樓冧咗，金融海嘯你啲投資產品全部蝕哂，你就乜都冇哂。但係無形資產冇實體，賣唔出，唔會受到外在因素影響，幾時都可以幫你揾錢錢，而且唔會比人偷唔會比人搶，永遠屬於你，係咪好值得維持呢？
講咗咁耐，除咗樣同父幹仲有啲咩無形資產呢？
知識就知識，咩係知識庫存？因為知識唔係forever㗎！你老師最大嘅大話就係「學到嘅就係你嘅」。即使學到，學太多都唔會記得哂，唔記得又有咩用呢？而且，一啲知識揸太耐唔update，就會outdate，就會冇用。所以知識庫存就係你喺一定時間內，與身處社會接軌嘅知識。知識庫存可以幫你累積有形資產，因為我哋生活嘅各個層面都需要持續學習同更新知識。而家嘅社會科技進步之迅速，唔更新知識就可能會錯過好多機會同埋資訊。例如，返工市場上，要跟得上不同行業嘅變化，你就需要不斷學習新技能同埋掌握最新嘅行業趨勢。喺咁競爭激烈嘅環境下，有更新嘅知識庫存可以幫助你喺職場上保持競爭力，同時令你嘅市場價值上升。
所以，即使你每日有8個鐘賣咗比公司，都唔好忘記要收工嘅時候增值自己。你返工嘅成果已經比哂老細，收工學到嘅先係自己嘅嘢。
人類就嚟比 AI 統治，如果你只有簡單嘅執行能力，咁 AI 都執行到啦，駛乜你。所以我哋要有了解全盤問題嘅能力，而針對問題嘅各個側面提出針對性嘅解決辦法。當一個 project 複雜到一定程度嘅時候，暫時 AI 係解決唔到嘅，而且解決問題都依仗人類嘅豐富經驗。至於一啲簡單易解決嘅問題可以交比 AI ，但我哋都要比個指令佢。所以另一個技能就好重要，就係啟發思考嘅能力，啟發 AI 思考都係其中一種。當然，啟發人類思考嘅能力都好重要，你啟發到人哋思考唔係諗到一條橋咁簡單，可能你令到一個人有所成長，以生命影響生命。有時，一個新嘅角度或者創意嘅解決方法，可以帶黎新嘅商機同機會，令你事業更上一層樓。
喺各個生活範疇中，我哋都需要做出決策，由細到大，由日常嘅飲食選擇，到工作上嘅策略決策。擁有良好嘅決策能力可以令你更加理性地思考，選擇最佳嘅方案，減少風險同後悔。透過不斷嘅學習同反思，你可以提升自己嘅決策能力，令你嘅人生更加順利。如果你冇決策能力，就即係你啲決定都會好依賴其他人，咁你就冇獨立工作嘅能力，好快比人同 AI 取代喇。
經驗係無價既財富，係透過時間累積嘅智慧庫。喺工作定生活入面，經驗係一位珍貴嘅老師。透過過去嘅挑戰、成功同埋失敗，我哋學到好多寶貴嘅教訓，呢啲教訓引導緊我哋未來嘅行動同埋決定。經驗令我哋可以更靈活應對唔同情況，避免重蹈覆轍，同時喺不斷成長嘅過程中不斷提升自己。經驗係一個人無可取替嘅部份，亦係令所有你投放嘅資源倍大變成成果嘅系數。舉例講，你付出一小時，如果你得一年經驗，同你有三年經驗，你嘅收入都唔同；又例如你去做一盤生意，冇經驗同有經驗咁去做嘅收益嘅分別可以係幾何級數咁上。
呢個可能比較難明白，但佢係喺呢個人人都可以活到100歲嘅社會之下一個重要嘅資產。喺呢個社會，大家唔再係一個行業做到退休。好多時人生會經過轉型，有可能你一個行業做咗15年，返去讀書，轉另一個行業又做15年咁。轉型資產指嘅係我哋對於自我嘅認知、運用人脈嘅能力以及展開新生活嘅能力。點解轉型資產咁重要呢？因為喺現今快速變化嘅社會，如果你有能力適應新環境、學習新技能，你就會喺嚟轉型嘅過程中更加容易達到成功。好似一個不斷演進嘅角色喺遊戲中，你需要更新自己嘅能力同戰術，同時善用人脈，去應對社會嘅不同挑戰同機會。
人際關係包括友誼、家庭同埋配偶關係。人始終唔係孤島，良好嘅人際關係可以比到你幸福感，供給你向前衝嘅動力。Havard Grant Study追蹤研究268名學生一共75年，發現生活滿意度嘅關鍵係一生中建立深厚嘅人際關係。正如該項研究嘅一位主要研究者George Valliant所講，幸福有兩大支柱，一係愛，二係揾到唔會趕走愛嘅生活方式，良好嘅人際關係可以令你有勇氣同動力面對揾錢嘅每一天💪🏼
而且俗話都有講「識人好過識字」，呢個無形資產係可以令你嘅有形資產幾倍幾倍咁返嚟。
希望大家都建立到一個人際網絡，比到 support 同情緒價值大家。
無論係你係公司嘅老闆，定係一個團隊嘅一份子，領導能力都好重要。要帶領同激勵人員，係一項無形資產。你嘅領導風格、溝通同協調能力，會影響到整體工作嘅氛圍同效率。如果你冇領導能力，你一世都只能夠比人領導，係唔會有更多嘅錢錢。不過你嘅領導能力係需要慢慢建立嘅，唔係乜都唔做就可以擁有。最起碼你要有隊員，你做到隊長先會可以有領導能力。你可以喺你嘅正職透過升職 ( 較被動 )，或者你嘅副業 ( 較自主 ) 建立你嘅團隊以鍛練你嘅領導能力。
時間係無形資產中嘅一個關鍵要素。咁點解話時間係資產咧？因為時間係一種珍貴嘅資源，而家過嘅每一分鐘都唔會再黎。你可以用時間黎學習新野，發展自己嘅技能同知識。喺追求事業同生活目標嘅過程中，合理分配同有效利用時間，可以令你更加高效率地達成目標。所以，善用每一刻時間，攞嚟投資係自己身上，提升自己嘅價值同能力，係一個無形資產嘅明智選擇。
而時間唔用就咁放喺度其實係會 depreciate ，因為時間係要 combine 咗其他嘢先 work 。簡單一個例子，你會有時間有假唔去旅行唔學嘢，等到七老八十先學？唔會啊，因為你已經老咗享受唔到。所以你就會趁後生褪時間做呢啲嘢。所以越後生時嘅時間， premium 就越高。我哋應該善用碎片時間，唔好等時間嘅購買力下降先用。
但係現代人好多已經每日賣時間比公司。你問下你自己，你嘅工作自由嗎？時間屬於你自己嗎？點解好多人話租樓係幫人供樓，要買好過租，但你又會甘心打工幫老細發展間公司，又唔發展一盤可以 auto-run 幫你賺錢賺時間嘅生意？
如果你話邊有咁大隻蛤乸隨街跳，咁的確啲蛤乸係唔會隨街跳，但 寫文巴 有隻跳緊嘅蛤乸，可以幫你工作有收入之餘換返啲時間返嚟，有興趣可以約出嚟傾。
啲人話「健康係最大嘅財富」，咁其實冇錯。你有啲再有錢，如果身體唔健康，點都享受唔到。而健康都係無形資產嘅一種，唔係你攞啲藥，睇下醫生咁簡單。健康係一個綜合嘅概念，包括飲食均衡、定時運動、充足睡眠同心情愉快。如果你身體好，就可以更專注去揾錢，唔會因為病痛而耽誤咗生活嘅計劃。
但係香港人係美食天堂，經常性大魚大肉好易令健康失衡。大家可以考慮上一啲教提升個人同家庭健康嘅課程，因為任何單一產品都唔能夠匹配你嘅狀態達至綜合健康，要了解一個全面嘅健康點樣達到，真係需要一個課程嘅時間。學費就唔會好貴，但呢啲時間一定係花得值得嘅。詳情
可能上文比咗一個錯覺大家，無形資產會跟住大家一世就好似佢一直都係同等價值。但其實佢都需要我哋嘅維護。知識如果唔不斷補充，都會比最新嘅知識淘汰；經驗雖然係一直累積，但你唔再做本身做緊嘅嘢，你嘅經驗都會變舊，變得唔符合當下嘅社會。你認識嘅朋友，有冇時不時約出嚟？如果一個正向嘅朋友圈提供到情緒價值比你，但你冇好好維護佢，就有可能損耗咗你哋嘅友誼，畢竟冇人會無條件一直付出。所以無形資產同有形資產一樣，有形資產唔係不斷揾錢就變成不斷駛錢，無形資產亦都係不進則退，所以大家一定要好好增進。大家好容易喺日常生活中追逐住有形資產，因為有數得計，但係，增加有形資產係緩急輕重四象限中嘅急，未必係重。而提升無形資產，未必係急，但係重要，如同 The 7 Habits of Highly Effective People 一書所講，我哋唔應該比急但唔重嘅事情淹沒，而應該多啲留意重但唔急嘅事情，呢啲好多人忽略嘅嘢，先係有得槓桿倍增嘅嘢。
正所謂，睇唔到嘅嘢係最珍貴，無形資產先最影響你嘅一生發展，因為槓桿無形資產可以令你嘅有形資產等比咁增加，又或令你嘅財自退休年齡等比咁提早。我哋喺投資無形資產嘅時候，要小心決定，因為投資咗落去就冇得返轉頭，冇得變賣。錢可以投資落無形資產，而無形資產又可以幫你創造更多財富，最緊要學識點樣捉到個平衡。 如果你想發展一個副業，可以增加到你嘅 1. 知識庫存、6. 正向嘅人際關係、7. 領導能力、9. 健康，同時做落又可以變成帶來被動收入嘅有形資產，為你換返 8. 時間，當然做落 4. 經驗都可以累積，一個機會可以幫到哂 1、4、6、7、8、9 咁好，有興趣可以同 寫文巴 約出嚟了解下！