做咗 Slasher 5 年，都唔係一帆風順，當中都遇到唔少困難，今日就嚟同大家分享下：
其實開始唔難，真係唔難，跟另文做就會接到 job 。但當有人有興趣，就開始頭痛：我應該開幾錢？太貴驚冇咗個辛苦傾返嚟嘅客，太平驚自己蝕。坦白講呢個掙扎我 slash 咗 7年嘅今日依然有，因為真係 Slash 好多範，有啲熟價有啲唔熟。但我會話， perfect 嘅價係唔會揾到，因為你以為開咗個 ok 嘅價，點知佢一口應承，你又會覺得開太低；可能佢事後又要求多多好難做。唯有從錯誤中學習，當有一日揾客變得易過借火，就唔會再開得太低。
唔同其他工作每日都有同事，斜槓族起身又係自己一個安排工作，做完一日嘅工作又未必有人分享喜悅。即使同家人講，佢哋唔係斜槓族佢哋唔會明白幾細小嘅一步都值得高興。而其他嘅 slasher 同你 slash 嘅領域未必一樣所以都未必明白，而且每日都分享實在係太濕碎，煩到人。一日嘅中間由一個 task switch 去另一個 task 嘅時候都冇同事一齊戰鬥，比傳統工作要孤單一點。
如果唔 set 目標，就會前進得好慢。但 set KPI 又唔一定會達到。當 KPI 一直達唔到，心態就會變得消極，咁時候產能同埋質素都會下降，導致負向循環。而且因為冇同事同上司，同其他 slasher 嘅交流都比較疏，所以挫敗嘅時候冇人鼓勵，只能夠睇一啲雞湯自己鼓勵自己。
又或者係自驅力。無論係惰性，定係上述嘅挫敗感，都有可能令到有日起身唔想工作。而孤單亦令我哋更渴望同其他 slasher 社交，但太多社交會蠶食工作嘅時間。喺呢啲日子，點樣推動自己繼續努力工作係一個課題。
我好彩係自己打工嘅時候曾經有好老闆比我嘗試自己想做嘅營銷方式，學到嘅嘢都可以應用到喺自己斜槓上面。如果冇呢個經驗，營銷能力都係一個挑戰同課題。無論係將自己 sell 比公司定係 sell 自己嘅 product / service ，都需要 marketing and sales 嘅能力。
如果打工，都唔知做幾多年先做到人哋上司。但係做咗 slash 之後，因為要 offload 工作，所以就要 recruit teammates 。雖然唔係一間公司請 full time ，但都需要處理人事問題、 conduct 問題、 training 同埋點樣開價比佢哋。其實 slash 同創好多業都冇乜分別。
我曾經都係一個內向嘅 kam 人嚟，但做 slash 都咁樣會餓死。喺斜槓生活中，同人嘅溝通同建立良好嘅人際關係至關重要。唔單止係同客戶溝通，同時都要同合作夥伴、潛在客戶同其他斜槓者保持良好嘅關係。所以就學點樣開話題、接話題同埋搞 gag 。要學會聆聽同表達自己嘅想法，同時亦要處理唔同嘅人際挑戰。而家雖然唔係人人都鍾意我，但相信都駕輕就熟。
喺斜槓生活中，持續學習同成長至關重要。真係唔係你叻果樣嘢就代表你可以做得好過人哋。好多時候，係你不斷嘗試同學習新嘢嘅態度同毅力，先至可以突破自己嘅極限同挑戰。喺斜槓生活中，唔係一切都係一帆風順，但係當你有學習嘅心態同不斷進步嘅決心，你就會發現自己可以克服更多困難同挑戰。每一次嘅挫折同失敗，都係一個學習嘅機會。喺面對困難嘅時候，唔好怕犯錯，因為每次錯誤都係你向成功更進一步嘅機會。記住，成長需要時間同努力，而每一步嘅進步都係一個值得珍惜嘅成就。
斜槓生活係一條充滿挑戰同機會嘅旅程，喺這個旅程中，保持著對新知識、新技能嘅渴望，並且積極應對各種挑戰係好重要嘅。
話冇後悔就係…真嘅。
作為一個 Slasher，我從未後悔過呢個選擇。唯一後悔係返 part time 嘅時候，受薪真係好辛苦。
斜槓生活帶比我無限嘅學習機會同成長空間，令我不斷超越自己嘅極限。雖然呢條路唔係一直平坦，但係正係呢啲挑戰造就咗我而家嘅自己。每一次挫折都係一堂寶貴嘅課程，令我更堅定地行喺成長嘅道路上。斜槓生活唔單止令我擁有更廣闊嘅視野同技能，仲教會我珍惜每一次成功嘅喜悅，每一次都係學習，冇職業比斜槓更快地學到更多嘢。
我對揀做 Slasher 絲毫冇後悔，因為呢條路充滿挑戰同機會，令我不斷進步、不斷成長。呢個旅程或許辛苦，但每一步都值得，因為我知道，呢條路係我應該行嘅。比我返去打工仲死啦！
期待將來嘅挑戰，一齊為更好嘅將來努力啦！