喺工作嘅路上行行停停，五年嘅時間可以話係一個轉變嘅過程。係呢段時間裏，我發現咗好多嘢，唔單止係工作上，仲有啲關於自己同生活嘅嘢。今日就嚟同大家分享下：
你要用朋友嘅交際方式同同事相處，但你唔係天使，唔係 perfect 嘅人，好難做到冇人唔鍾意你。同事始終係老細㨂嘅人，唔係你㨂嘅，真係乜人都有。偷睇人手機嘅、設個局嚟跣你嘅，就算你冇做啲咩針對佢，都會有人害人。有利害關係嘅人，唔好太信任。曾經我當同事食飯傾計講下心事，結果果份工最快比人炒，就係比人陷害，而且冇人幫我。
冇人唔可以被取代，只可能好難被取代。過去一年經歷咗升職，開始需要對更多嘢負起責任。接咗好多變得更難交接出去嘅工作任務。學習喺策略、目標訂定同風險管理上更多嘅知識。喺決定接咗呢個任務嘅時候，我亦好擔心自己係咪會越來越離唔開而家嘅公司。但之後我反覆讀咗主管提醒我嘅訊息「喺公司冇一樣嘢係自己嘅，只有你嘅經驗同回憶。」也許我哋嘅技能、產出，對工作都係好重要嘅角色，但並唔係無可取代。想通呢件事之後我就釋懷咗，我其實冇咁重要，亦會記得唔好太努力，記得準時放工👋🏻。
既然你可以隨時被取代，但你就非呢份工唔得，咁樣諗好蝕。東家唔打打西家。老實講我就係怕 jumpy 嘅人，出嚟做嘢 5 年最長果份工做咗 3 年。但最近發現真係有啲人唔啱就轉工，可能一個月又辭職（未必係裸辭），但可以好好地生存到30歲，唔會揾唔到工。當然，佢哋都有副業或者可以發展成副業嘅技能。即係只要你有見工嘅技巧，有能力揾到新工， jumpiness 唔係考慮請唔請你嘅唯一因素，就唔駛怕。而且我呢幾位朋友，因為唔會忍耐一份工，壓力細啲少啲亂駛錢，佢哋過多兩年就唔駛打工喇！
唔單止要 default 同事唔 friend 得，仲要 default 同事唔係 neutral 就係 negative 。你可以將職場當成一場電玩遊戲，你喺職場上遇到難搞嘅老闆、嚴苛嘅主管、自私嘅同事、刁鑽嘅客戶，都只係遊戲裡嘅「NPC」，被設定咗職場人設同行為模式！聽完嘅當下茅塞頓開，有種「原來如此」嘅感覺。每一次來回拉扯嘅事件，都可能只係對方嘅角色必須做出呢樣嘅行為。佢就係用呢個模式嚟比挑戰你，冇得救㗎喇。所以，放鬆心情，佢就只係職場 NPC 而已。
前排一直煩惱緊要唔要離職。總覺得一切都得來不易，但身在其中卻又好痛苦。開始嘗試 counsel 、睇精神科，翻來覆去嘅夜晚總係冇辦法好好訓一覺。但我好感謝有呢樣嘅機會，讓我重新思考自己幾年後嘅職涯規劃。之後我排序咗幾個想要發展嘅方向，重新同主管討論職涯嘅可能性。我發現其實離開一份鍾意嘅工作雖然唔容易，但並唔係無法達成。誠實溝通亦有助於喺而家嘅公司中獲得更適合你嘅工作內容（貼心提醒：可能亦好睇公司同你個人嘅關係）。所以，如果你亦身喺職涯痛苦中，亦比自己改變嘅勇氣，唔怕做出選擇啦！
有時候我亦會累到喘唔過氣，犧牲放工時間，或加班到半夜。總係喺內心呼喊為咗工作有必要嗎。有啲一可能覺得 work-life balance 係一星期嘅事，好少少可能係一日內嘅事，但對我而言，可能喺22歲到35歲之間係喺職場上努力嘅黃金期，而喺35歲之後就可以擁抱比較輕鬆嘅生活。呢個就係喺人生睇嘅 balance ，可然而家年紀 work 比較多，第時 Life 比較多。雖然先苦後甘呢件事冇辦法肯定，亦有可能喺過程中發生一啲突發狀況，而人生有咗驟變。但我可以保證嘅係，我而家做嘅努力就係為咗35歲之後只做自己想做嘅事。所以工作同生活嘅平衡，其實係一輩子嘅課題。
呢一點想提到嘅係「分工」。啱啱開始工作嘅時候，總係覺得我一個人做哂最好，好驚分工，亦無法信任身邊嘅夥伴。但隨著工作量嘅增加，發現喺熟悉每個夥伴嘅技能點分佈，分派適合嘅工作亦係一件需要學習嘅事。亦分享職場前輩當時俾我嘅建議，覺得成為主管後，識人（成為他人嘅伯樂）真係非常重要嘅能力之一🐎。唔好太過覺得啲嘢係你義務唔可以外判，搞到壓力咁大對邊個都冇好處。既然職場人人都可以被取代，點解唔可以外判？呢度睇緊嘅你一定都有啲嘢覺得：唔係架，啲人會 check ，唔可以比人做。邊個知？我覺得其中一樣好需要判出去嘅工作就係老師改簿。